గణేశా!రక్షించు కాలుష్యం బారి నుంచి...

అంతా ప్రశాంతంగా ముగిసింది. పిన్న,పెద్ద తేడా లేకుండా వర్షం లెక్క చేయకుండా గణేష్ నిమజ్జనంలో పాల్గొన్నారు.వేలకొలది విగ్రహాలు నీట మునిగాయి.ఇప్పటి హుస్సేన్ సాగర్ చూస్తె ఒక రకమైన ఆవేదన కలుగుతోంది.కొన్ని విగ్రహాలు నిస్సహాయంగా నీటిలో తేలుతున్నాయి.నీటిలో కరగలేక మరికొన్ని కొట్టుకు వస్తున్నాయి.టన్నులకొద్దీ చెత్త.వస్తూనే ఉంది.రోడ్లపై అడ్డంగా వేసిన పందిళ్ళు ఇంకాతీయలేదు.వాహనదారులు విసుక్కుంటూ వెళ్తున్నారు.భక్తీ పేరిట ఇంత హంగామా అవసరమా?చిన్న చిన్న మట్టి విగ్రహాలు,రకరకాల ఆకులతో పూజిస్తే దేవుడికీ,మనకూ ఎంత మంచిదో కదా!ఆ విషయం వీర భక్తులకు చెప్పేదెవరు?ప్రభుత్వానికీ ఎంత ఖర్చు?పోలీసు ఏర్పాట్లకు,క్రేన్లకు ఎంతెంత ఖర్చు?అదంతా అలా ఉంచితే హుస్సేన్ సాగర్లో పేరుకున్న కాలుష్యం ఎవరు తొలగించగలరు?దేవుడా?నువ్వే రక్షించాలి.

జై గణేష్ !జై జై గణేష్ !

గత వారం రోజులుగా మా అపార్ట్మెంట్ లో గణేష్ పూజలతో కొంచెం బిజీ గా ఉన్నాను.ఇదొక్కటే మా కాంప్లెక్స్ లో బాగా చేసేది.పిల్లల హడావుడి చెప్పనే అక్కరలేదు.వాళ్లకి గేమ్స్ ,ఇతర పోటీలు పెట్టాలి కాబట్టి నేను బిజీ అన్నమాట.నిన్న పొద్దున్న నిమజ్జనం, రాత్రి డిన్నర్.రోజూ ప్రసాదాలు చేయడం,పురమాయించడం,అంతా కలసి మాట్లాడుకుంటూ తినడం..మజా వస్తుంది సుమా! అసోసియేషన్ లో ఉన్నాం కాబట్టి కొన్ని పనులు తప్పవు.అయితే పిల్లల పోటీల గిఫ్టులు కొనడమే అన్నిటికన్నా పెద్ద పని.రకరకాలు చూసి కొనాలి.ఇన్నాళ్ళు మాకు మైక్ లేదు. కొనడానికి సవాలక్ష ఇబ్బందులు.చివరికి నేనే దానం చేశా.దాంతో పిల్లలు ఉత్సాహంగా పాటలు పాడారు.మా టిన్నుమిమిక్రీ కూడా చేసాడు.పిల్లలు ఫాన్సీ డ్రెస్ పోటీ బాగా జరిగింది. ఆ విధంగా మా వినాయక చవితి ఉత్సవాలు ముగిసాయి. పిల్లల కేమో దిగులు.గణేష్ వెళ్లిపోయాడని.ఇక క్వార్టేర్లీపరీక్షలకి చదవాలికదా! అదీ అసలు దిగులు.నాకయితే పెద్ద భారం దిగిన ఫీలింగ్ . కొంత వెలితి ఉంటుంది.అది తప్పదు